#圖文不符
大叫 我尋晚半夜真係大叫左出黎
「失而復得」呢四個字當你真真切切感受過就會明白係幾咁震撼
話說我上兩個月先開始認真少少去develop 我嘅IG
因為發現呢度真係IG當道
係我用心經營之際
因為一時間follow同unfollow太多人
就好傻仔咁比IG block左我acc
其實佢都無話d咩
純粹叫我要改過個password 就會開通返我個acc
但我好低能咁唔記得咗個密碼
好啦 唔記得唔緊要
咁佢就話set條reset link去我email
但唔知點解我當時用左一個唔係常用嘅電郵去登記
咁好明顯我又唔記得左呢個email 嘅密碼
而唯一可以修復我電郵密碼嘅方法就係用我香港嘅電話號碼reset
而unfortunately 我搬來加拿大後已經停左個號碼
所以基本上我係無辦法可以reset到我嘅密碼
足足三個星期有多
我日撞夜撞都撞唔岩
頭兩星期真係好好好困擾我
直至到尋晚我就決定左 算啦 開過個新嘅acc吧
雖然7000幾followers唔算多
但呢個acc是係我未識強哥就開始用
真係好唔捨得
尋晚九點幾 我終於開左個新acc
係決定放棄之際 我真係訓唔著
又走上網睇下有咩方法
其實要睇嘅我都睇過
要問嘅高人都問晒
但唔知點解突然之間hit左我一下
我突然記得返我寫低過個密碼
點知一搵就搵到 一試就開返度
我唔係講笑 我堅係喊左出黎
由於強哥前一晚訓得唔好 佢當時已訓到豬咁
我立即喊住打比我呀妹
驚到我呀妹死 以為我有咩事
我興奮到半夜兩點半都未訓到
終於等到強哥起身柯夜尿
我企左係張床度跳起左 我話”I made it ! I made it !”
佢成個醒晒咁話” really ?”
我就將成個過程話比佢知
真係好crazy
因為當佢臨訓前見我重新開過個acc時
佢都好驚訝我終於放棄
點知當我去到絕望之際嘅同一晚 我竟然記返起個密碼
簡直係 mission impossible
可能大家覺得一個acc 無左咪開過個囉
其實呢件事對我黎講係好一個教訓
平日我做野好無組織性
D 密碼改黎改去又唔寫低
主要原因都係自己問題
如果做野有系統d就唔會咁
足足三星期多 我都好低落
諗黎諗去都諗唔到點解決
所以真係好珍惜呢次失而復得嘅機會
順便宣傳下我呢個幾經辛苦先拎得返嘅IG acc:
@saronwilkie
果度我會更新密好多架
記住啦大家寫好d 密碼
唔好好似我咁咁低b 攪到自己一頭煙
Search